- ಕಲಿಗಣನಾಥ ಗುಡದೂರು, ಬಳ್ಳಾರಿ
ಹಸಿವು ಲೆಕ್ಕಿಸದೆ ಊರು ಸೇರಬೇಕೆಂಬ ಹೆಬ್ಬಯಕೆಯಲ್ಲಿ ತೆರಳಿದ್ದ ರಾಯಚೂರು ಜಿಲ್ಲೆ ಸಿಂಧನೂರಿನ ವೆಂಕಟೇಶ್ವರ ನಗರದ 29 ವರ್ಷದ ಗಂಗಮ್ಮಳ ಕನಸು ಮಾರ್ಗ ಮಧ್ಯದಲ್ಲೇ ಮುರುಟಿ ಹೋಯಿತು. ಸೋಮವಾರ ಅವರು ಬಳ್ಳಾರಿಯ ವಿಮ್ಸ್‌ ಆಸ್ಪತ್ರೆಯಲ್ಲಿ ಕಣ್ಣು ಮುಚ್ಚಿದರು.
13 ತಿಂಗಳ ಹಿಂದೆ ಗಂಗಮ್ಮ ಕೆಲವು ಕೂಲಿಗಾರರ ಜತೆಗೂಡಿ ಬೆಂಗಳೂರಿಗೆ ಗುಳೆ ಬಂದಿದ್ದರು. ಇವರೆಲ್ಲ ಕೆಂಗೇರಿಯ ಗ್ಲೋಬಲ್‌ ವಿಲೇಜ್‌ ಅಪಾರ್ಟ್‌ಮೆಂಟ್‌ ನಿರ್ಮಾಣ ಕಾರ್ಮಿಕರಾಗಿದ್ದರು. ಲಾಕ್‌ಡೌನ್‌ ಘೋಷಣೆಯಾಗುತ್ತಿದ್ದಂತೆ ನಿರ್ಮಾಣ ಕಾರ್ಯ ಬಂದ್‌ ಆಯಿತು. ಮಾರ್ಚ್‌ ಅಂತ್ಯದ ತನಕ ಇದ್ದರೆ ಕೂಲಿ ಸಿಗುತ್ತದೆ ಎನ್ನುವ ಕಾರಣಕ್ಕೆ ಎಲ್ಲರೂ ಚಾತಕ ಪಕ್ಷಿಗಳಂತೆ ಕಾದರು. ಆದರೆ ಗುತ್ತಿಗೆದಾರರು ಕೈ ಎತ್ತಿದರು.
ಕೊನೆಗೆ ಮಾ. 30ರಂದು ಕೂಲಿ ಕಾರ್ಮಿಕರು ಟ್ರ್ಯಾಕ್ಟರ್‌ವೊಂದರಲ್ಲಿ ಪ್ರಯಾಣ ಹೊರಟರು. ತುಮಕೂರಿನ ಪೊಲೀಸರು ಟ್ರ್ಯಾಕ್ಟರ್‌ ತಡೆದರು. ಅಲ್ಲಿಂದ ಹತ್ತಾರು ಕಿ.ಮೀ ಈ ಕೂಲಿಕಾರರು ಕಾಲ್ನಡಿಗೆಯಲ್ಲೆ ಪ್ರಯಾಣಿಸಿದರು. ದಾರಿಯಲ್ಲಿ ತಿನ್ನಲು ಯಾವುದೇ ಆಹಾರ, ಕುಡಿಯಲು ನೀರೂ ಸಿಗದೆ ಕಂಗೆಟ್ಟರು. ಗಂಗಮ್ಮ ಬಳಲಿ ಬೆಂಡಾದರು.
ಯಾರು ಏನೇ ಹೇಳಿದರೂ ಹೊರಗೆ ಓಡಾಡುವಾಗ ಮಾಸ್ಕ್‌ ಮರೆಯಬೇಡಿ!
ಕಾರ್ಮಿಕರಿಂದ 20 ಸಾವಿರ ರೂ. ಬಾಡಿಗೆ ಪಡೆದಿದ್ದ ಟ್ರ್ಯಾಕ್ಟರ್‌ ಮಾಲೀಕ, ಮರು ದಿನ ಇವರನ್ನು ಹಿಂಬಾಲಿಸಿಕೊಂಡು ಬಂದ. ಕಾಲ್ನಡಿಗೆಯಲ್ಲಿ ಹೊರಟಿದ್ದ ಕೂಲಿಕಾರರನ್ನು ಹತ್ತಿಸಿಕೊಂಡು ಏ.2ರಂದು ಬಳ್ಳಾರಿಯ ಚೆಕ್‌ ಪೋಸ್ಟ್‌ನಲ್ಲಿ ಬಿಟ್ಟ. ಆದರೆ ಬೇರೆ ಜಿಲ್ಲೆಗಳಿಂದ ಬಂದ ಕೂಲಿ ಕಾರ್ಮಿರನ್ನು ಜಿಲ್ಲಾಡಳಿತ ಇಲ್ಲಿನ ಎಸ್‌ಸಿ/ಎಸ್ಟಿ ವಸತಿ ನಿಲಯದಲ್ಲಿ ವ್ಯವಸ್ಥೆ ಮಾಡಿದ್ದ ನಿರಾಶ್ರಿತರ ಶಿಬಿರಕ್ಕೆ ಸಾಗಿಸಿತು.
ಮೂರು ದಿನಗಳ ಉಪವಾಸದಿಂದ ತೀವ್ರ ಅಸ್ವಸ್ಥಗೊಂಡಿದ್ದ ಗಂಗಮ್ಮಳನ್ನು ವಿಮ್ಸ್‌ ಆಸ್ಪತ್ರೆಗೆ ದಾಖಲಿಸಲಾಯಿತು. ನಿಶ್ಯಕ್ತಿ, ರಕ್ತಹೀನತೆ, ಲಿವರ್‌ ತೊಂದರೆ ಇತ್ಯಾದಿಗಳಿಂದ ಚಿಕಿತ್ಸೆಗೆ ಸ್ಪಂದಿಸದ ಅವರು ಏ. 5ರಂದು ಕೊನೆಯುಸಿರೆಳೆದರು. ಕೂಲಿಕಾರ ಕುಟುಂಬದ ದುಡಿದುಣ್ಣುವ ಜೀವವೊಂದು ಕೊರೊನಾ ಸೃಷ್ಟಿಸಿದ ಸಂಕಟಕ್ಕೆ ಲಾಕ್‌ಡೌನ್‌ ವೇಳೆ ಸದ್ದಿಲ್ಲದೇ ಬಲಿಯಾಯ್ತು.
ಕೊರೊನಾ ಸಂಕಷ್ಟ ಕಾಲದಿಂದ ಪಾರಾಗಲು ಇಲ್ಲಿವೆ ಕೌಟುಂಬಿಕ ಬಜೆಟ್‌ನ ಸೂತ್ರಗಳು!
ಚಿಕಿತ್ಸೆಗೆ ದಾಖಲಾಗಿದ್ದರು. ಮೂರು ದಿನಗಳಿಂದ ಉಪವಾಸವಿದ್ದರಂತೆ. ಅವರಿಗೆ ಹೆಪಟೈಟಸ್‌ ಇತ್ತು. ಮಾನಸಿಕವಾಗಿ ತೀವ್ರ ಕುಗ್ಗಿಹೋಗಿದ್ದರು. ಚಿಕಿತ್ಸೆಗೆ ಸ್ಪಂದಿಸದೆ ಕೊನೆಯುಸಿರೆಳೆದರು.
- ಡಾ. ಮರಿರಾಜ್‌, ಮೆಡಿಕಲ್‌ ಸೂಪರಿಂಟೆಂಡೆಂಟ್‌, ವಿಮ್ಸ್‌, ಬಳ್ಳಾರಿ
ಹಸಿವು ಲೆಕ್ಕಿಸದೆ ಊರು ಸೇರಬೇಕೆಂಬ ಹೆಬ್ಬಯಕೆಯಲ್ಲಿ ತೆರಳಿದ್ದ ರಾಯಚೂರು ಜಿಲ್ಲೆ ಸಿಂಧನೂರಿನ ವೆಂಕಟೇಶ್ವರ ನಗರದ 29 ವರ್ಷದ ಗಂಗಮ್ಮಳ ಕನಸು ಮಾರ್ಗ ಮಧ್ಯದಲ್ಲೇ ಮುರುಟಿ ಹೋಯಿತು. ಸೋಮವಾರ ಅವರು ಬಳ್ಳಾರಿಯ ವಿಮ್ಸ್‌ ಆಸ್ಪತ್ರೆಯಲ್ಲಿ ಕಣ್ಣು ಮುಚ್ಚಿದರು.
13 ತಿಂಗಳ ಹಿಂದೆ ಗಂಗಮ್ಮ ಕೆಲವು ಕೂಲಿಗಾರರ ಜತೆಗೂಡಿ ಬೆಂಗಳೂರಿಗೆ ಗುಳೆ ಬಂದಿದ್ದರು. ಇವರೆಲ್ಲ ಕೆಂಗೇರಿಯ ಗ್ಲೋಬಲ್‌ ವಿಲೇಜ್‌ ಅಪಾರ್ಟ್‌ಮೆಂಟ್‌ ನಿರ್ಮಾಣ ಕಾರ್ಮಿಕರಾಗಿದ್ದರು. ಲಾಕ್‌ಡೌನ್‌ ಘೋಷಣೆಯಾಗುತ್ತಿದ್ದಂತೆ ನಿರ್ಮಾಣ ಕಾರ್ಯ ಬಂದ್‌ ಆಯಿತು. ಮಾರ್ಚ್‌ ಅಂತ್ಯದ ತನಕ ಇದ್ದರೆ ಕೂಲಿ ಸಿಗುತ್ತದೆ ಎನ್ನುವ ಕಾರಣಕ್ಕೆ ಎಲ್ಲರೂ ಚಾತಕ ಪಕ್ಷಿಗಳಂತೆ ಕಾದರು. ಆದರೆ ಗುತ್ತಿಗೆದಾರರು ಕೈ ಎತ್ತಿದರು.
ಕೊನೆಗೆ ಮಾ. 30ರಂದು ಕೂಲಿ ಕಾರ್ಮಿಕರು ಟ್ರ್ಯಾಕ್ಟರ್‌ವೊಂದರಲ್ಲಿ ಪ್ರಯಾಣ ಹೊರಟರು. ತುಮಕೂರಿನ ಪೊಲೀಸರು ಟ್ರ್ಯಾಕ್ಟರ್‌ ತಡೆದರು. ಅಲ್ಲಿಂದ ಹತ್ತಾರು ಕಿ.ಮೀ ಈ ಕೂಲಿಕಾರರು ಕಾಲ್ನಡಿಗೆಯಲ್ಲೆ ಪ್ರಯಾಣಿಸಿದರು. ದಾರಿಯಲ್ಲಿ ತಿನ್ನಲು ಯಾವುದೇ ಆಹಾರ, ಕುಡಿಯಲು ನೀರೂ ಸಿಗದೆ ಕಂಗೆಟ್ಟರು. ಗಂಗಮ್ಮ ಬಳಲಿ ಬೆಂಡಾದರು.
ಯಾರು ಏನೇ ಹೇಳಿದರೂ ಹೊರಗೆ ಓಡಾಡುವಾಗ ಮಾಸ್ಕ್‌ ಮರೆಯಬೇಡಿ!
ಕಾರ್ಮಿಕರಿಂದ 20 ಸಾವಿರ ರೂ. ಬಾಡಿಗೆ ಪಡೆದಿದ್ದ ಟ್ರ್ಯಾಕ್ಟರ್‌ ಮಾಲೀಕ, ಮರು ದಿನ ಇವರನ್ನು ಹಿಂಬಾಲಿಸಿಕೊಂಡು ಬಂದ. ಕಾಲ್ನಡಿಗೆಯಲ್ಲಿ ಹೊರಟಿದ್ದ ಕೂಲಿಕಾರರನ್ನು ಹತ್ತಿಸಿಕೊಂಡು ಏ.2ರಂದು ಬಳ್ಳಾರಿಯ ಚೆಕ್‌ ಪೋಸ್ಟ್‌ನಲ್ಲಿ ಬಿಟ್ಟ. ಆದರೆ ಬೇರೆ ಜಿಲ್ಲೆಗಳಿಂದ ಬಂದ ಕೂಲಿ ಕಾರ್ಮಿರನ್ನು ಜಿಲ್ಲಾಡಳಿತ ಇಲ್ಲಿನ ಎಸ್‌ಸಿ/ಎಸ್ಟಿ ವಸತಿ ನಿಲಯದಲ್ಲಿ ವ್ಯವಸ್ಥೆ ಮಾಡಿದ್ದ ನಿರಾಶ್ರಿತರ ಶಿಬಿರಕ್ಕೆ ಸಾಗಿಸಿತು.
ಮೂರು ದಿನಗಳ ಉಪವಾಸದಿಂದ ತೀವ್ರ ಅಸ್ವಸ್ಥಗೊಂಡಿದ್ದ ಗಂಗಮ್ಮಳನ್ನು ವಿಮ್ಸ್‌ ಆಸ್ಪತ್ರೆಗೆ ದಾಖಲಿಸಲಾಯಿತು. ನಿಶ್ಯಕ್ತಿ, ರಕ್ತಹೀನತೆ, ಲಿವರ್‌ ತೊಂದರೆ ಇತ್ಯಾದಿಗಳಿಂದ ಚಿಕಿತ್ಸೆಗೆ ಸ್ಪಂದಿಸದ ಅವರು ಏ. 5ರಂದು ಕೊನೆಯುಸಿರೆಳೆದರು. ಕೂಲಿಕಾರ ಕುಟುಂಬದ ದುಡಿದುಣ್ಣುವ ಜೀವವೊಂದು ಕೊರೊನಾ ಸೃಷ್ಟಿಸಿದ ಸಂಕಟಕ್ಕೆ ಲಾಕ್‌ಡೌನ್‌ ವೇಳೆ ಸದ್ದಿಲ್ಲದೇ ಬಲಿಯಾಯ್ತು.
ಕೊರೊನಾ ಸಂಕಷ್ಟ ಕಾಲದಿಂದ ಪಾರಾಗಲು ಇಲ್ಲಿವೆ ಕೌಟುಂಬಿಕ ಬಜೆಟ್‌ನ ಸೂತ್ರಗಳು!
ಚಿಕಿತ್ಸೆಗೆ ದಾಖಲಾಗಿದ್ದರು. ಮೂರು ದಿನಗಳಿಂದ ಉಪವಾಸವಿದ್ದರಂತೆ. ಅವರಿಗೆ ಹೆಪಟೈಟಸ್‌ ಇತ್ತು. ಮಾನಸಿಕವಾಗಿ ತೀವ್ರ ಕುಗ್ಗಿಹೋಗಿದ್ದರು. ಚಿಕಿತ್ಸೆಗೆ ಸ್ಪಂದಿಸದೆ ಕೊನೆಯುಸಿರೆಳೆದರು.
- ಡಾ. ಮರಿರಾಜ್‌, ಮೆಡಿಕಲ್‌ ಸೂಪರಿಂಟೆಂಡೆಂಟ್‌, ವಿಮ್ಸ್‌, ಬಳ್ಳಾರಿ
